Estas historias de emigrantes. Crónicas de emigrantes.
Como de tantas outras persoas que acordaron abandonar o territorio de orixe e instalarse, por máis ou menos tempo, nos lugares de acollida. Foron traballadores, apenas cualificados, que exerceron a súa ocupación laboral en condicións de grande dureza, en ámbitos pragados de explotación e discriminación, illados de moitos dos seus coetáneos emigrantes, porque o seu mundo era moita máis fluido, máis volátil, máis liquido. Eran traballadores marítimos.
E, máis do que nos puidera parecer, algúns deles tamén exerceron como sindicalistas, como verdadeiros lideres sociais desa clase de traballadores desposuídos e abandonados. E, por suposto, a súa memoria permaneceu oculta. Como a de tantos outros traballadores e traballadoras. Tan oculta como era a existencia dos fogueiros, sempre entalados por baixo da cuberta, como homes-máquina que acompasaban o ser ritmo vital coa cadencia das caldeiras, dos motores e das orde que viñan de enriba. Tan oculta como as vidas fuxidías, tal que sombras, dos homes que cargaban e descarbagan os barcos, invisibles no seu traballo para aqueles que só vivían obsesionados pola garantía da carga.
As súas vidas apenas contan nas historias dos xornais, nas análises académicas ou na experiencia compartida dos traballadores cualificados. Ao cabo, non eran máis que seres de abaixo, emigrantes e marxinais.

Bieito Alonso (Ourense, 1958) é un nome de referencia na historiografía ga-lega contemporánea. Profesor de Xeo-grafía e Historia en centros de Galiza Marrocos e Francia, a súa traxectoria in-telectual está marcada polo compromiso coa memoria histórica, o nacionalismo galego e os movementos sociais.

Ao longo de máis de tres décadas, publicou obras fundamentais como Antón Alonso Ríos: crónica dunha fidelidade; A emigración galega a América: 1860-1960; Breve historia do nacionalismo galego; O exilio de Castelao 1939-1950; O sindicalismo nacionalista galego, 1972-1982 (con Bernardo Máiz); Obrei-ros alén mar; Antón Alonso Ríos. O Si-ñor Afranio; A Nosa Terra, xornalismo e nacionalismo político; Anarquistas gale-gos en América; Estendendo a rebelión, e Inimigos ás portas: Frank López e o anarquismo global.

Recoñecido co Premio da Crítica Galicia en Investigación (2020) e co XIII Premio Manuel Murguía de Ensaio (2021), a súa obra é unha viaxe rigorosa e apaixonada pola historia silenciada de Galiza.

_____

Editorial: Laiovento 12-2025
Idioma: Galego
Páxinas: 262
ENSAIO
EMIGRACIÓN